Amarnath Yatra Arrangements: پرنسپل سکریٹری نے پہلگام میں امرناتھ یاترا کے انتظامات کا جائزہ لیا

پرنسپل سکریٹری نے کیمپ ڈائریکٹروں کو ہدایت دی کہ وہ مختلف محکموں کے عہدیداروں کے ساتھ قریبی روابط برقرار رکھیں اور اپنے کیمپوں میں انتظامات کا باقاعدگی سے جائزہ لیں تاکہ یہ یقینی بنایا جا سکے کہ یاترا کے آغاز سے قبل تمام سہولیات میسر ہو۔Amarnath yatra 2022

لیفٹیننٹ گورنر کے پرنسپل سکریٹری، نتیشور کمار نے شری امرناتھ جی یاترا کے انتظامات کا جائزہ لینے کے لیے پہلگام کے نُن وان بیس کیمپ کا دورہ کیا۔ ان کے ہمراہ ڈویژنل کمشنر کشمیر ایس پانڈورنگ کے پولے اور محکمہ صحت اور سیاحت کے سربراہان تھے۔ اس موقعہ پر انہوں نے خیموں کی تنصیب ، سیکورٹی کی تعیناتی، صفائی کی سہولیات، بجلی اور پینے کے پانی کی فراہمی کا جائزہ لیا۔ انہوں نے تلاشی مقامات، سربل پر بھی انتظامات کا معائنہ کیا۔Amarnath yatra 2022

پرنسپل سکریٹری، جو شری امرناتھ جی شرائن بورڈ کے سی ای او بھی ہیں، نے پہلگام کے مختلف کیمپ ڈائریکٹروں کے ساتھ میٹنگ کی۔ انہیں آگاہ کیا گیا کہ منصوبہ کے مطابق تیاریاں جاری ہیں۔پرنسپل سکریٹری نے کیمپ ڈائریکٹروں کو ہدایت دی کہ وہ مختلف محکموں کے عہدیداروں کے ساتھ قریبی روابط برقرار رکھیں اور اپنے کیمپوں میں انتظامات کا باقاعدگی سے جائزہ لیں تاکہ یہ یقینی بنایا جا سکے کہ یاترا کے آغاز سے قبل تمام سہولیات میسر ہو، ضلع ترقیاتی کمشنر اننت ناگ، ڈاکٹر پیوش سنگلا، ایس ایس پی اننت ناگ آشیش مشرا، مختلف لائن ڈپارٹمنٹس کے سینئر افسران اس موقعہ پر موجود تھے۔ Amarnath yatra arrangements