پہلگام: لوکل پونی یونین کے ممبران کا احتجاج

مظاہرین کے مطابق ماورہ میں قائم سومو اسٹینڈ کی وجہ سے ان کے روزگار پر اثر پڑرہا ہے۔ ان کا کہنا ہے کہ جو بھی سیاح پہلگام کا رخ کرتے ہیں وہ پہلے ماورہ سومو اسٹینڈ میں جاتے ہیں اور وہیں سے دوسرے سیاحتی مقامات پر جاتے ہیں۔ جس کے باعث اُن کے روزگار پر بہت برا اثر پڑرہا ہے اور وہ پونی والوں کو نظر انداز کررہے ہیں۔

مرکز کے زیر انتظام جموں و کشمیر کے پہلگام میں آج لوکل پونی یونین کے ممبران نے اپنے مطالبات کے حق میں احتجاجی مظاہرہ کیا۔

مظاہرین کے مطابق ماورہ میں قائم سومو اسٹینڈ کی وجہ سے ان کے روزگار پر اثر پڑرہا ہے۔ ان کا کہنا ہے کہ جو بھی سیاح پہلگام کا رخ کرتے ہے وہ پہلے ماورہ سومو اسٹینڈ میں جاتے ہیں اور وہیں سے دوسرے سیاحتی مقامات پر جاتے ہیں۔ جس کے باعث اُن کے روزگار پر بہت برا اثر پڑرہا ہے اور وہ پونی والوں کو نظر انداز کررہے ہیں۔

احتجاج کررہے لوگوں کا کہنا ہے کہ ہم تقریباً 1500 لوگ اسی پونی ایسوسی اشن سے جڑے ہیں اور ہماری روزی روٹی اسی سے جڑی ہے۔

ان کا کہنا ہے کہ ماورہ سے جو ٹورسٹ گاڑی چلتی ہے اس سے ہماری روزی روٹی پر اثر پڑرہا ہے اور ان کو چلنے کی اجازت نہیں دی جائے۔ ہمارا یہاں جمع ہونے کا مقصد یہی ہے۔

مظاہرین نے ضلع انتظامیہ سے مداخلت کرنے کی اپیل کی ہے۔