اننت ناگ میں 'ایس پی اوز' کی بھرتی

وادیٔ کشمیر کے دیگر حصوں کے مقابلے جنوبی کشمیر کو حساس ترین علاقہ تصور کیا جاتا ہے، اس کے باوجود ضلع اننت ناگ میں ایس پی او کی بھرتی عمل میں لائی گئی۔

بھرتی کے دوران ضلع کے مختلف مقامات سے تعلق رکھنے والے نوجوانوں نے بڑھ چڑھ کر حصہ لیا جن میں خواتین کی اچھی خاصی تعداد بھی شامل تھیں۔

ایس ایس پی اننت ناگ الطاف احمد خان کے مطابق تین ہزار سے زیادہ نوجوانوں نے فارم داخل کیے تھے۔انہوں نے کہا کہ 'ضلع کے لیے 305 ایس پی اوز کی اسامیاں خالی ہیں۔'واضح رہے کہ دفعہ 370 کے خاتمے کے بعد جموں و کشمیرکے بیشتر علاقوں میں فوج اور پولیس کی بھرتیاں عمل میں لائی گئی۔چند روز قبل سرینگر میں ٹیریٹوریل آرمی کے لیے بھرتی عمل میں لائی گئی۔