اننت ناگ میں منشیات فروش گرفتار

اننت ناگ پولیس نے منشیات مخالف مہم کے پیش نظر منگل کے روز ایک منشیات فروش کو گرفتار کیا ہے۔

اطلاع موصول ہونے کے بعد مٹن پولیس تھانہ کی ٹیم نے ایس ایچ او کی سربراہی میں آکورہ کے مقام پر ایک ناکہ بنا کر تلاشی کاروائی کے دوران ایک شخص کے پاس سے 15 کلو گرام چرس پاؤڈر اور 8 کلو فکی برآمد کیا۔

ملزم کی شناخت بُن نمبل اننت ناگ کے رہنے والے غلام محی الدین شیخ ولد محمد منور شیخ کے طور پر ہوئی ہے۔پولیس نے اس سلسلہ میں این ڈی پی ایس ایکٹ کے تحت ایک مقدمہ درج کیا ہے۔

ملزم کو گرفتار کرکے مزید تحقیقات شروع کی گئی ہے۔پولیس نے ایک بار پھر عوام سے اپیل کیا ہے کہ 'وہ منشیات کو جڑ سے ختم کرنے کے لئے آگے آئیں اور پولیس کا تعاون کریں۔