اننت ناگ میں شجر کاری مہم

گاندھی جی کے جنم دن کے موقع پراننت ناگ میں فوج کی چنار کور یونٹ اور 619  ایئر ڈیفنس ریجمنٹ کی جانب سے SAGA پروگرام  کے عنوان سے  شجر کاری مہم کا آغاز کیا

تفصیلا کے مطابق شجر کاری مہم کا مقصد صحت مند ماحول پیدا کرنا ہے۔ اس مہم میں فوجی جوانوں اور مقامی اسکولی بچوں کی خاصی تعداد موجود تھی۔

اس موقع پر کمانڈر بریگیڈیئر ترون نارولا اور فوجی جوانوں نے بچوں کےساتھ مل کر تقریبا 1000 پیڑ ہائی گراؤنڈ میں لگائے۔مہم میں میونسپل کونسل اننت ناگ کے صدر ہلال احمد شاہ اور ڈسٹرکٹ ایجوکیشن پلاننگ افسر فیاض احمد بھی موجود رہے۔ جبکہ بچوں نے اس موقع پر مہاتما گاندھی کو خراج عقیدت پیش کرتے ہوئے کہا کہ گاندھی کے پیغامات کو آج کی دنیا میں عام کرنے کی بےحد ضرورت ہے۔ جبکہ وزیراعظم کا سوچھ بھارت کا نعرہ عام کرنے کے لئے بھی گاندھی جیانتی ایک مناسب پیغام دیتی ہے۔

واضح رہے کہ فوج کی جانب سے اسطرح کی تقریبات میں لوگوں کے ساتھ ساتھ بچوں کی بھی دلچسپی میں اضافہ ہو رہا ہے۔ جسکے چلتے فوج نے عوامی فلاح کے لیے پروگراموں کے انعقاد میں بھی اضافہ کیا ہے۔