گزشتہ پندرہ روز سے بجلی کے ٹرانسفارمر کے بار بار خراب ہونے پر مشتعل چونٹی پورہ ویرناگ کے مقامی لوگوں نے آج محکمہ بجلی کے خلاف احتجاج کیا۔
مشتعل افراد نے ایک گھنٹہ سے زیادہ کے لئے کپرن ویری ناگ سڑک کو بند کر دیا اور مفلوج گاڑیوں کی نقل و حرکت کو روک دیا۔ لوگ پی ڈی ڈی حکام کے خلاف نعرے لگا رہے تھے اور خراب ہوئے ٹرانسفارمر کو فوری طور پر تبدیل کرنے کا مطالبہ کر رہے تھے۔ مظاہرین کا کہنا تھا کہ گذشتہ دو روز سے پورا علاقہ بجلی کے بغیر تھا لیکن پی ڈی ڈی حکام نے تباہ شدہ ٹرانسفارمر کو تبدیل کرنے کے لئے کچھ نہیں کیا۔
مظاہرین کے مطابق علاقے کے 250 کے وی ٹرانسفارمر گزشتہ ایک ہفتہ کے دوران کئی بار خراب ہوا۔ اس طرح مقامی لوگوں کو ایک ساتھ کئی دن بجلی کے بغیر رہنے پر مجبور ہوان پڑا۔
یہ بھی پڑھیں: جموں و کشمیر میں آیوشمان بھارت اسکیم وسیع پیمانے پر متعارف
یہ مظاہرہ ایک گھنٹہ سے زیادہ جاری رہا۔ اس دوران مظاہرین نے سڑک پر رکاوٹیں ڈال کر ٹریفک کی نقل و حرکت میں خلل پیدا کر دی۔ یہاں تک کہ جب پولیس نے مظاہرین کو پرسکون کرنے کی کوشش کی تو مؤخر الذکر نے فوری طور پر اس علاقے میں تباہ شدہ ٹرانسفارمر کو بحال کرنے اور بجلی کی فراہمی کی بحالی کی یقین دہانی پر زور دیا۔ بعد ازاں مظاہرین منتشر ہو گئے۔
