Water Crisis in Gugnad Kokernag گُگناڑ کے مقامی باشندے صاف پانی کے لیے ترس رہے ہیں

جنوبی کشمیر کے ضلع اننت ناگ کے گُگناڑ نامی علاقے کاشمار آج بھی پسماندہ علاقوں میں ہوتا ہے یہاں کے لوگ بنیادی سہولیات سے محروم ہیں۔ مقامی لوگ آلودہ پانی پینے پر مجبور ہیں اور نالے کے گندے پانی پی کر آئے دن متعدد بیماریوں کا شکار ہورہے ہیں۔ Water Crisis in Gugnad Kokernag

اننت ناگ: وادی کشمیر کو قدرت نے بے پناہ نعمتوں سے نوازا ہے، جن میں قدرت کی طرف سے عطا کردہ پانی کے ذخائر سر فہرست ہیں، تاہم وادی میں پانی کے ذخائر ہونے کے باوجود یہاں کے علاقے پینے کے لیے صاف پانی کو ترس رہے ہیں، وہیں محکمہ جل شکتی بھی ان علاقوں تک پینے کا پانی فراہم کرنے میں تاحال ناکام ثابت ہوئی ہے۔ جنوبی ضلع اننت ناگ کے حلقہ انتخاب کوکرناگ کے مین قصبہ سے تقریباً 20 کلومیٹر کی دوری پر واقع گُگناڑ ایک ایسا پسماندہ علاقہ ہے جو دور جدید میں بھی مختلف بنیادی سہولیات سے محروم ہے، مذکورہ علاقے کے لوگ کسم پرسی کی زندگی گزار رہے ہیں۔ علاقے میں بنیادی سہولیات کی انتی کمی ہے کہ مقامی لوگ آلودہ پانی پینے کو مجبور ہیں۔ گندے نالے کے پانی پینے کی وجہ سے لوگ بیماریوں میں متبلا ہورہے ہیں۔ Water Crisis in Gugnad Kokernag

مقامی لوگوں کا کہنا ہے کہ ایک جانب حکومت تعمیر وترقی کے بلند بانگ دعویٰ کر رہی ہے، وہیں دوسری جانب گگناڈ جیسے دور دراز علاقے میں حکومت کے وہ دعوے سراپ ثابت ہو رہے ہیں۔ مذکورہ علاقے میں پینے کے صاف پانی کا فقدان ہے، انہوں نے کہاکہ علاقے سے ایک نالئہ بہتا ہے جو کافی آلودہ ہونے کے ساتھ ساتھ اکثر اوقات خشک رہتا ہے، تاہم مقامی آبادی مجبوراً اسی گندے نالے کے پانی سے اپنی پیاس بجھاتے ہیں، جس کے نتیجے میں علاقے کے لوگ مختلف امراض میں مبتلا ہو رہے ہیں۔'
مقامی لوگوں کا کہنا ہے کہ خراب موسمی صورتحال میں علاقے کے لوگ کو بارش کے پانی سے ہی گزارا کرنا پڑتا ہے، جب کہ برفباری کے ایام میں یہ لوگ برف کو پگھلا کر اپنی ضروریات کو پورا کرتے ہیں۔ انہوں نے کہاکہ آج تک علاقے میں کئی سیاسی رہنما آئے اور ان سے الیکشن کے وقت کئی وعدے کیے گئے، تاہم اقتدار میں آنے کے بعد ان سیاسی رہنماوں کے وعدے بس وعدوں تک ہی محدود رہے، سیاسی رہنما ان وعدوں کو عملی جامہ پہنانے سے قاصر رہے۔

لوگوں کے مطابق انہوں نے یہ معاملہ کئی بار محکمہ جل شکتی کی نوٹس میں لایا۔ انہوں نے سب ضلع کوکرناگ کے ساتھ ساتھ ضلع ہیڈ کوارٹر اننت ناگ میں کئی بار لوگوں کی وفود لے کر گئے، تاہم ہر بار انہیں انتظامیہ کی جانب سے یقین دہانیوں کے علاؤہ اور کچھ بھی حاصل نہیں ہوا۔معاملے کی کیفیت کو دیکھتے ہوئے ای ٹی وی بھارت کے نمائندے نے فون پر یہ محکمہ جل شکتی کے اسسٹنٹ ایگزیکٹو انجینئر فیروز احمد کی نوٹس میں لایا تو انہوں نے کہاکہ مزکورہ علاقہ کافی اونچائی پر واقع ہے، جس کے لیے انہوں نے پینے کا صاف پانی پہنچانے کی غرض سے جل جیون مشن کے تحت مذکورہ علاقے کے لئے پلان مرتب دیا گیا، انہوں نے کہا کہ گُگناڑ علاقے کے لئے پینے کے صاف پانی کی فراہمی کے حوالے سے ڈی پی آر بھی بن چکے ہیں، جبکہ محکمہ سے ٹینڑر بھی نکالے گئے ہیں، انہوں نے نمائندے کو یقین دلایا کہ جیسے ہی ٹینڑر کا عمل پورا ہو جائے گا جلد ہی علاقے میں پینے کے صاف پانی کی فراہمی کو یقینی بنایا جائے گا، تاکہ لوگوں کی مشکلات کا ازالہ ممکن ہو سکے۔ تاہم یہ دیکھنا دلچسپ ہوگا کہ آخر یہاں کے مقامی لوگوں کے مسائل کب تک حل ہوں گے۔'