بلاک ڈیولپمنٹ افسر کی عدم دستیابی کے خلاف احتجاج

جنوبی کشمیر کے اننت ناگ ضلع میں قائم دچنی پورہ بلاک میں بلاک ڈیولپمنٹ افسر کی عدم دستیابی کے خلاف لوگوں نے احتجاجی مظاہرہ کیا۔

مظاہرین نے الزام لگایا کہ بی ڈی او کی کرسی گزشتہ کئی ماہ سے خالی رہنے کی وجہ سے عام لوگوں کو کافی مشکلات اٹھانی پڑ رہی ہیں۔ جبکہ علاقے میں تعمیراتی و ترقیاتی کاموں کی رفتار بھی کافی متاثر ہوئی ہے۔

مظاہرین کی قیادت بی ڈی او چیئر پرسن دچھنی پورہ بشیر احمد خان کر رہے تھے۔
اس موقع پر مظاہرین نے مطالبہ کیا کہ دچھنی پورہ بلاک کےلئے مستقل بی ڈی او کی تعیناتی عمل میں لائی جائے۔

ادھر ٹھیکیداروں نے بھی گزشتہ دو سال سے زیر التوا بلیں واگزار نہ ہونے کا الزام لگاتے ہوئے ڈی سی اننت ناگ و دیگر متعلقہ افسران کی فوری مداخلت طلب کی ہے۔