راشن ہونے کے باوجود واگزاری کے منتظر

لوگوں کو کئی کئی روز تک راشن گھاٹ کے چکر لگانے پڑتے ہیں اور ان لوگوں کو اُس دن مزدوری سے بھی ہاتھ دھونا پڑتا ہے۔

جموں و کشمیر کے ضلع اننت ناگ کے کوکرناگ میں راشن گھاٹ پر چاول ہونے کے باوجود لوگ راشن سے محروم ہیں۔ علاقہ کے لوگوں کا کہنا ہے کہ جب سے حکومت نے راشن گھاٹوں پر پوائنٹ آف سیل نامی مشین نصب کی ہے، لوگوں کو کئی کئی روز تک چاول سے محروم رہنا پڑتا ہے۔

کوکرناگ علاقے کے اہلن پائین گڈول علاقہ کے لوگوں کے مطابق علاقہ میں پسماندگی کی وجہ سے بیشتر لوگ مزدوری سے وابسطہ ہیں۔ جس کی وجہ سے اکثر لوگوں کے فینگر پرنٹس بایومیٹرک سیسٹم سے میل نہیں کھاتے، نتیجتاً لوگوں کو کئی کئی روز تک راشن گھاٹ کے چکر لگانا پڑتا ہے، جبکہ ان مفلوکلحال لوگوں کو اُس دن مزدوری سے بھی ہاتھ دھونا پڑتا ہے۔

مقامی لوگوں نے محکمہ امور صارفین سے مطالبہ کیا ہے کہ وہ مشین کو منسوخ کر کے پُرانے طرز پر انہیں راشن فراہم کیا جائے۔ تاکہ لوگوں کو مشکلات کا ازلہ ہو سکے۔

ای ٹی وی بھارت نے جب یہ معاملہ ایس ڈی ایم کوکرناگ اویس مشتاق کی نوٹس میں لایا تو انہوں نے کہا کہ 'وہ پیر کے روز ٹی ایس اوز کے ساتھ ایک میٹنگ طلب کرکے اس مسلے کا ازالہ کریں گے تاکہ لوگوں کو سہولت ملے۔