ہانگل گنڈ: رابطہ سڑک کی خستہ حالی سے عوام پریشان

ہانگل گنڈ کوکرناگ علاقے میں گاڑیوں کی رش ہونے کی وجہ سے مذکورہ علاقہ کے لوگوں کو چلنے پھرنے میں کافی پریشانیوں کا سامنا کرنا پڑتا ہے۔

جموں و کشمیر کے ضلع اننتناگ کے کوکرناگ ہانگل گنڈ نامی علاقے کے لوگ سڑک کی خستہ حالی کو لے کر گذشتہ 3 برس سے پریشان ہیں۔ لوگوں کا کہنا ہے کہ 'انہیں رابطہ سڑک پر دھول اور مٹی کی وجہ سے سانس لینے میں تکلیف ہوتی ہے۔

مقامی لوگوں کا کہنا ہے کہ 'علاقہ میں گاڑیوں کی رش ہونے کی وجہ سے مذکورہ علاقہ کے لوگوں کو چلنے پھرنے میں کافی دکتوں کا سامنا کرنا پڈتا ہے۔ علاقہ کے بچوں خاص کر بزرگوں کو کئی مشکلات کا سامنا کرنا پڈتا ہے۔ اگرچہ گذشہ 3 سالوں سے مقامی لوگوں نے کئی بار پی ایم جی ایس وائی دفتر کے چکر کاٹے تاہم علاقہ کی کثیر آبادی کی مشکلات کا ازالہ نہ ہو سکا۔

ای ٹی وی بھارت نے جب فون پر یہ معاملہ پی ایم جی ایس وائی کے جونئیر اسیسٹنٹ ہلال احمد کی نوٹس میں لایا تو انہوں نے کہا کہ 'ہانگل گنڈ سے آگے ناگم نامی علاقہ میں بہت سارے مکانوں کے ڈھانچے آتے ہیں، جو ابھی ماوظہ کے تنازہ کو لے کر سڑک کی مرمت اور میکڈمائزیشن کے کام میں خلل ڈال رہے ہیں۔

انہوں نے یقین دلایا کہ علاقہ کے لوگوں کے ساتھ افہام و تفہیم سے معاملہ سلجھا کر مذکورہ علاقوں میں بہت جلد میکڈا مائزیشن کا کام عمل میں لایا جائے گا۔