جنوبی کشمیر کے ضلع اننت ناگ کا سیمتھن علاقہ قصبہ بجبہاڑہ سے محض دو کلو میٹر کی دوری پر واقع ہے۔ علاقہ سرینگر - جموں قومی شاہراہ کے بہت قریب ہونے کے باوجود بھی انتظامیہ کی نظروں سے اوجھل ہے۔
رابطہ سڑک کی خستہ حالی سے راہگیروں کو مشکلات کا سامنا مذکورہ علاقے کی رابطہ سڑک کئی علاقوں کو آپس میں جوڑنے کے ساتھ ساتھ علاقہ میں رہائش پذیر کسانوں کے کھیتوں اور باغات تک پہنچنے کا واحد راست ہے۔ تاہم سڑک کی خستہ حالی کے سبب راہگیروں خصوصا کسانوں کو دقتوں کا سامنا کرنا پڑتا ہے۔
مقامی لوگوں کا کہنا ہے کہ انہیں اپنے میوہ باغات تک پہنچنے میں کئی دشواریوں کا سامنا کرنا پڑتا ہے، جبکہ رابطہ سڑک پر پیدل چلنا بھی دشوار ہو جاتا ہے، کیونکہ سڑک پر جگہ جگہ گہرے گھڑے ہو گئے ہیں۔
انہوں نے مزید بتایا کہ خشک موسم میں گرد و غبار جبکہ بارشوں اور برفباری میں کیچڑ کے سبب راہگیروں کو عبور و مرور میں پریشانیاں جھیلنی پڑتی ہیں۔
مقامی لوگوں نے ای ٹی وی بھارت کے ساتھ بات کرتے ہوئے کہا کہ بارشوں کے دوران سڑک کے مختلف مقامات پر پانی جمع ہوکر کیچڑ کی شکل اختیار کر لیتا ہے اور پھر موسم خشک ہوتے ہی گرد و غبار کے سبب رہائشیوں کی زندگی اجیرن بن جاتی ہے۔ انہوں نے کہا کہ اکثر و بیشتر یہاں کے باشندے گرد و غبار کے سبب بیمار رہتے ہیں۔
انہوں نے دعویٰ کیا کہ اس ضمن میں انہوں نے کئی مرتبہ سڑک کی مرمت کے حوالے سے متعلقہ محکموں کے چکر کاٹے، تاہم ابھی تک ٹھوس اقدامات نہیں اٹھائے گئے۔
رابطہ سڑک کی مرمت کے حوالے سے ای ٹی وی بھارت کے نمائندے نے اس حوالے سے فون پر اسسٹنٹ ایگزیکیوٹو انجینئر سے بات کی تو اُنہوں نے یقین دہانی کرائی کہ سڑک کی مرمت کا کام فوری طور پر انجام دیا جائے گا تاہم سردیوں کے پیش نظر لوگوں کو میکڈگمائزیشن کے لیے اگلے برس تک کا انتظار کرنا ہوگا۔
