پہلگام: معروف سیاحتی مقام پر رواں موسم کی پہلی برفباری

وادی کے دیگر سیاحتی مقامات کی طرح اننت ناگ کے معروف اور عالمی شہرت یافتہ پہلگام میں آج رواں موسم کی پہلی برفباری ہوئی۔

وادی کے میدانی علاقوں میں بارشیں جب کہ پہاڑی علاقوں میں برفباری کا سلسلہ جاری ہے..

وادی کے دیگر سیاحتی مقامات کی طرح اننت ناگ کے معروف اور عالمی شہرت یافتہ پہلگام میں آج رواں موسم کی پہلی برفباری ہوئی۔

پہلگام میں جمعہ اور ہفتہ کی درمیانی شب میں پہلے بارش ہوئی اس کے بعد ہلکی برفباری کا سلسلہ شروع ہوا۔ ہفتہ کی دوپہر تک پہلگام کے میدانی علاقوں میں دو سے تین انچ برف ریکارڈ کی گئی، جب کہ پہاڑی علاقوں جیسے بائی سرن، آڑو، تارسر مارسر، چندی واڑی و دیگر مختلف مقامات پر بھاری برفباری ہو رہی ہے۔ اگرچہ برفباری کی وجہ سے درجہ حرارت میں نمایاں کمی واقع ہوئی ہے۔ اس کے باوجود پہلگام میں موجود غیر مقامی سیاح برفباری سے خوب لطف اندوز ہورہے ہیں۔

• برفباری کے سبب شاہراہ بند، سینکڑوں گاڑیاں درماندہ
  
  ادھر انتظامیہ کی جانب سے شدید برفباری کی وجہ سے پیدا شدہ صورتحال سے نمٹنے کے لئے عملہ اور مشنریز کو متحرک کیا گیا ہے۔ تاکہ عام عوام اور سیاحوں کو کسی طرح کی مشکلات کا سامنا نہ کرنا پڑے.