اننت ناگ:میونسپل کمیٹی پہلگام، عشمقام اور مٹن نے مشترکہ طور ضلع اننت ناگ میں پہلگام - مٹن روڑ پر صفائی مہم کا آغاز کیا۔ میونسپلکمیٹیز کے ایگزیکٹو افسران سمیت دیگر عملہ نے صفائی مہم میں شرکت کی۔ مہم میں شریک عملہ نے پہلگام - مٹن روڈ کے اطراف میں کوڑا کرکٹ صاف کرنے کے علاوہ لوگوں سے آس پاس کے ماحول کو صاف ستھرا رکھنے کی تلقین کی۔ Pahalgam Road Cleanliness Drive
ای ٹی وی بھارت سے بات کرتے ہوئے میونسپل کمیٹی پہلگام کے ایگزیکٹیو آفیسر نے کہا ہے کہ سرما کی آمد کے ساتھ ہی سیاحتی سیزن شروع ہو چکا ہے اور ہزاروں سیاح معروف سیاحتی مقام پہلگام کا رخ کرتے ہیں۔ انہوں نے کہا کہ پہلگام - مٹن روڑ کے کنارے کئی مقامات پر گندگی خصوصا پلاسٹک اور پولی تھین کے ڈھیر جمع تھے۔ انہوں نے کہا کہ سڑکوں کے کنارے گندگی کو صاف کرنے کے علاوہ لوگوں سے بھی صفائی ستھرائی کا خیال رکھنے کی تلقین کی گئی۔
انہوں نے متعلقہ میونسپل کمیٹیز کے ملازمین و افسران کو ہدایت دی کہ وہ سیاحتی مقام پہلگام جانے والی سڑک کی صاف صفائی کا خاص خیال رکھیں اور سڑک کے کنارے جمع کچرے کی صفائی کو یقینی بنائیں۔ دریں اثناء، انہوں نے مٹن سے پہلگام تک مین روڈ پر مرمتی کاموں کو یقینی بنائے جانے کی بھی یقین دہانی کی۔
