پہلگام کے مکین اپنے مکانوں کی مرمت کرنے سے خوفزدہ

سیاحتی مقام پہلگام کے لوگ عدالت میں داخل مفاد عامہ کی ایک عرضی کی وجہ سے اپنے مکان کی مرمت نہیں کرا پا رہے ہیں۔

ضلع اننت ناگ کے سیاحتی مقام پہلگام اور اس کے مضافاتی علاقوں میں تعمیرات کے تعلق سے کچھ برس قبل ہائی کورٹ میں ایک پی آئی ایل داخل کی گئی ہے۔ اس پی آئی ایل کے مطابق یہاں کے باشندے اپنے مکان کی مرمت نہیں کرا سکتے اور نہ ہی نئے مکانات بنا سکتے ہیں۔ اس وجہ سے یہاں صدیوں سے رہائش پذیر لوگوں کو اپنے مکان کی مرمت کرانے میں مشکلات کا سامنا ہے۔

اس کے برکس اگر کسی بھی شخص کو اپنے مکان کی مرمت کرانی ہے تو اسے جموں وکشمیر ہائی کورٹ سے اجازت لینی ہوگی۔

مقامی لوگوں کا کہنا ہے کہ غریب آدمی کے بس کی بات نہیں کہ وہ نیا مکان یا پرانے مکان کی مرمت کرے۔ اگر کوشش بھی کی جاتی ہے تو مختلف قانونی لوازمات پر وہ پورا نہیں اترتے۔ اس کے برعکس امیر لوگ موٹی رقوم خرچ کر کے آسانی سے نیا مکان تع‍میر کرتے ہیں یا مرمت کا کام کرتے ہیں۔

مقامی لوگوں کا کہنا ہے کہ ایک معمولی کیل ٹھوکنے پر بھی شکایت درج ہوتی ہے۔ اس طرح سے غریب افراد کے لئے اپنے پرانے مکان کی مرمت کرنا دشوار ہو گیا ہے۔

مقام کے لوگوں کی انتظامیہ سے اپیل ہے کہ کم سے کم اپنے پرانے مکانوں کی مرمت کی اجازت دی جائے تاکہ ان کی مشکلات کا ازالہ ہو۔