سال 2021 کی کھٹی میٹھی یادوں کے ساتھ سال نو کی آمد کو یادگار بنانے کی غرض سے پہلگام میں محکمہ سیاحت کی جانب سے Celebration of New Year in Pahalgam خصوصی تقریبات کا اہتمام کیا گیا۔
ونٹر کارنیوال کے تحت اس پروگرام میں مقامی و بالی ووڈ کے مشہور گلوکاروں نے حصہ لیا۔ بالی ووڈ کے مشہور گلوکاروں میں روہن پریت سنگھ جیسے بالی ووڈ فنکاروں نے سما باندھا اور حاضرین کو جھومنے پر مجبور کیا۔
اس موقع پر ملک کے مختلف حصوں سے آئے سیاحوں نے نئے سال کے جشن کو تاعمر نہ بھولنے والا لمحہ قرار دیا اور کشمیر میں نئے سال کے استقبال کو ایک منفرد تجربہ قرار دیا۔
سال نو کے موقع پر اس طرح کی تقریبات سے نہ صرف سیاح محظوظ ہوئے بلکہ سیاحتی صنعت سے وابستہ افراد بھی خوش ہیں انہیں امید ہے کہ نیا سال کشمیر کی سیاحتی صنعت کے لیے ترقی کا سال ثابت ہو گا۔'
نئے سال کے جشن کے ساتھ ہی پہلگام میں محکمہ سیاحت کی جانب سے منعقدہ ونٹر کارنیوال بھی اختتام پزیر ہوا۔ تاہم سیاحتی صنعت سے وابستہ افراد کو امید ہے کہ محکمہ سیاحت اپنی سرگرمیوں کا دایرہ نہ صرف گلمرگ اور پہلگام تک ہی محدود رکھیں گے، بلکہ دیگر خوبصورت مقامات کی مناسب تشہیر کے لیے اقدامات اٹھائے گے۔'
مزید پڑھیں:
