چیئر پرسن انتخابات: اننت ناگ میں پی اے جی ڈی کی جیت

عوامی اتحاد برائے گپکار اعلامیہ (پی اے جی ڈی) نے جنوبی کشمیر کے ضلع اننت ناگ میں جمعرات کے روز ڈسٹرکٹ ڈیولوپمنٹ کونسل (ڈی ڈی سی) کے چیئرپرسن اور ڈپٹی پرسن کے عہدوں پر کامیابی حاصل کی۔

ضلع اننت ناگ میں ڈسٹرکٹ ڈیولپمنٹ کونسل (ڈی ڈی سی) کے چیئرپرسن اور ڈپٹی چیئرپرسن کے انتخابات میں نیشنل کانفرنس نے چیئرپرسن جبکہ پیپلز ڈیموکریٹک پارٹی (پی ڈی پی) نے ڈپٹی چیئرپرسن کا عہدہ حاصل کیا۔

اننت ناگ میں جمعرات کے روز منعقد ہونے والے ڈسٹرکٹ ڈیولپمنٹ کونسل (ڈی ڈی سی) کے چیئر مین اور نائب چیئرمین کے انتخابات میں نیشنل کانفرنس(پی اے جی ڈی) کے امیدوار محمد یوسف گورسی جبکہ، پی ڈی پی کے جاوید احمد شیخ نے نائب چیئرمین کے عہدوں پر جیت حاصل کی۔

اننت ناگ کی 14 ڈی ڈی سی سیٹوں میں سے محمد یوسف گورسی نے 11 ووٹ حاصل کرکے ڈی ڈی سی چیئرپرسن کی سیٹ حاصل کرنے میں کامیاب ہو گئے جبکہ جاوید احمد شیخ کو بلا مقابل کامیاب قرار دیا گیا جو نائب چیئرمین کے بطور منتخب ہوئے.

واضح رہے کہ حالیہ منعقد کئے گئے ڈی ڈی انتخابات میں محمد یوسف گورسی نے، پی اے جی ڈی کی ٹکٹ پر حلقہ انتخاب پہلگام سے جیت درج کی تھی جبکہ جاوید احمد شیخ نے، پی اے جی ڈی کے امیدوار کی حیثیت سے اننت ناگ میں فتح حاصل کی تھی.

نتائج سامنے آنے کے بعد محمد یوسف گورسی اور جاوید احمد شیخ کو مبارکباد پیش کی گئی مداحوں نے انہیں پھولوں کے ہار پہنا کر ان کا استقبال کیا اور ان کے حق میں نعرے بلند کئے..

نتائج کو پرامن اور خوشگوار طریقہ سے انجام دینے کے لئے ضلع اننت ناگ کے کھنہ بل ڈاک بنگلو میں حفاظت کے کڑے انتظامات کئے گئے تھے۔