سرکاری اراضی سے قبضہ ہٹوانے کی مانگ

تحصیلدار سری گفواڑہ بشیر احمد لون کا کہنا ہے 'انہوں نے ضابطے کے تحت اس میں کاروائی کا آغاز کیا ہے اور پولیس سے معقول سکیورٹی بھی طلب کی گئی ہے'۔

اننت ناگ کے پوش کریری سریگفواڑہ کی عوام کا کہنا ہے کہ کچھ لوگوں نے مل کر سرکاری زمین پر قبضہ کیا ہوا ہے، اسی ضمن میں ایک مقامی شفیع گنائی نے کہا کہ متعلقہ حکام تاحال اس غیر قانونی قبضے کو چھڑانے میں ناکام ہیں۔

ڈی سی دفتر اننت ناگ میں آئے ایک وفد نے کہا 'مقامی لوگوں نے بارہا یہ مسئلہ حکام کے سامنے لایا ہے، حال ہی میں ڈی سی اننت ناگ نے سرکاری اراضی سے قبضہ چھڑانے کے احکامات صادر کیے۔ تاہم تحصیلدار اس حکمنامے کو عملانے میں ناکام رہے ہیں۔

ادھر تحصیلدار سری گفواڑہ بشیر احمد لون کا کہنا ہے 'انہوں نے ضابطے کے تحت اس میں کاروائی کا آغاز کیا ہے اور پولیس سے معقول سکیورٹی بھی طلب کی گئ ہے۔ انہوں نے کہا کہ آئندہ چند دنوں کے اندر اندر سرکاری اراضی سے ناجائز قبضہ ہٹایا جائے گا۔