کپرن ویری ناگ میں آپریشن ختم، عسکریت پسند فرار

جنوبی کشمیر کے ضلع اننت ناگ کے کپرن ویری ناگ علاقے میں سیکیورٹی فورسز نے آپریشن کو بند کر دیا۔

تفصیلات کے مطابق اننت ناگ کے کپرن ویری ناگ کے دودھ واگن جنگلات میں عسکری پسندوں کے چھپے ہونے کی ایک مصدقہ اطلاع کی بنا پر فوج اور پولیس نے علاقے میں کارڈن اینڈ سرچ آپریشن کا صبح سویرے آغاز کیا۔

جسکے بعد آپریشن کے دوران گولیاں چلنے کی آوازیں بھی سنی گئی تاہم آپریشن میں ابھی تک کوئی پیش رفت نہیں آئی ہے۔ ذرائع کے مطابق علاقے میں ایک اعلیٰ کمانڈر سمیت تین ملیٹینٹوں کے چھپے ہونے کی خبر تھی ۔

جسکے بعد ملیٹینٹوں کا سراغ لگانے کے لیے چاپرس اور پیرا کمانڈوز کی خدمات بھی طلب کر کے آپریشن کو مزید وسیع کر دیا گیا تھا۔ ذرائع کے مطابق فورسز نے اس دوران ایک گرینیڈ و موبائل فون بھی برآمد کر لیا گیا ہے۔

ذرائع کا یہ بھی کہنا ہے کہ ایک بڑے آپریشن کے باوجود بھی فورسز کو عسکریت پسند فرار ہونے میں کامیاب ہوئے، جسکے بعد شام کے اوقات میں آپریشن کو فی الحال ملتوی کر دیا گیا۔