Man killed in Mattan Anantnag مٹن اننت ناگ میں جھگڑے میں ایک شخص ہلاک

جنوبی کشمیر کے ضلع اننت ناگ کے مٹن علاقے میں منگل کی شام جھگڑے میں ایک شخص کی موت ہو گئی۔

اننت ناگ:ذرائع کے مطابق پائیبگ علاقے میں دو فریقوں کے درمیان جھگڑا ہوا جس دوران مبینہ طور پر ایک فریق نے دوسرے فریق پر لکڑی سے وار کیا، جس کے نتیجے میں اس شخص کی موقعے پر ہی موت ہوگئی۔ واقعے کے بعد علاقے میں کہرام مچ گیا اور لوگوں میں خوف و ہراس کا ماحول پھیل گیا اور اس واقع سے متعلق مقامی لوگوں نے پولیس کو مطلع کیا، جس کے بعد پولیس کی ٹیم حقائق کا پتہ لگانے کے لیے موقعے پر پہنچ گئی۔"
رابطہ کرنے پر ایک پولیس اہلکار نے بتایا کہ جھگڑے کے دوران ایک شخص کو دوسرے شخص نے مارا۔ اہلکار نے بتایا کہ "اس شخص کو ہسپتال لے جایا گیا، جہاں ڈاکٹروں نے اسے مردہ قرار دے دیا۔ اہلکار نے متوفی کی شناخت فیضان نبی بٹ ولد غلام نبی بٹ ساکن پہرو اننت ناگ کے طور پر کی ہے۔ انہوں نے مزید کہا کہ اس معاملے میں مزید تحقیقات کے لیے مقدمہ درج کیا جا رہا ہے۔

واضح رہے کہ اس سے قبل بھی وادی کشمیر کے مختلف علاقوں میں اس طرح کے واقعات رونما ہو چکے ہیں، جہاں پر دو فریقوں کے آپسی جگڑے میں کسی نہ کسی کی موت واقع ہوئی ہے اور کئی جگہوں پر زمین کے تنازع کو لیکر کئی لوگوں کی موت واقع ہوئی ہے۔