اننت ناگ میں دوبارہ لاک ڈاؤن نافذ

تحصیلداروں کو ہدایت دی گئی کہ وہ اپنے اپنے علاقوں میں پولیس کی مدد سے لاک ڈاؤن کو مکمل طور نافذ کرنے کے لئے اقدامات اٹھائیں۔

ضلع ترقیاتی کمشنر اننت ناگ کے کے سدھا کی جانب سے با ضابطہ طور ایک حکمنامہ جاری کیا گیا ہے جس کے تحت ضلع میں کورونا وائرس کے بڑھتے کیسز کے مدنظر احتیاطی طور پر تین روز تک مکمل لاک ڈاؤن نافذ کرنے کے احکامات صادر کئے گئے ہیں۔ لاک ڈاؤن فی الحال 21، 22 اور 23 اگست تک نافذ رہے گا۔

اننت ناگ میں دوبارہ لاک ڈاؤن نافذ

ضلع میں تمام دکانیں، کاروباری ادارے اور ٹرانسپورٹ مکمل طور بند رہے گا۔ایس پی کو ہدایت دی گئی ہے کہ وہ لاک ڈاؤن کو کامیاب بنانے کے لیے قصبہ کے اہم مقامات پر ناکے قائم کریں اور پولیس اہلکاروں کی تعیناتی کو یقینی بنائیں۔وہیں تمام تحصیلداروں کو ہدایت دی گئی کہ وہ اپنے اپنے علاقوں میں پولیس کی مدد سے لاک ڈاؤن کو مکمل طور نافذ کرنے کے لئے اقدامات اٹھائیں۔واضح رہے کہ ضلع اننت ناگ میں ابھی تک 1946 لوگ کوروناوائرس کی زد میں آ چکے ہیں، جن میں سے 1495 مریض صحتیاب ہو چکے ہیں جبکہ اس مہلک وبا سے 43 لوگ ہلاک ہو چکے ہیں۔ وہیں ضلع میں اس وقت 408 کورونا کے فعال کیسز موجود ہیں۔