ٹرانسفارمر نصب کرنے کے باوجود اسے شروع نہیں کیا گیا

جنوبی ضلع اننت ناگ کے کوکرناگ کے ایک دور دراز آتھر نامی علاقے کے لوگوں نے شکایت کی ہے کہ ان کے علاقے میں محکمہ بجلی نے چھے ماہ قبل ٹرانسفارمر نصب کیا، تاہم مقامی لوگ گزشتہ چھے ماہ سے بجلی ٹرانسفارمر کے شروع کیے جانے کے منتظر ہیں۔

مقامی لوگوں کو بجلی مہیا کرنے کے لئے یہاں ٹرانسفرمر لگادیے گئے ہیں۔ تاہم محکمہ مذکورہ علاقے کو بجلی کی فراہمی کو واگزار کرنے سے قاصر ہے۔

200 کمبوں پر مشتمل آتھر کے لوگوں کا کہنا ہے کہ علاقے میں اگرچہ پہلے سے ہی 60 کلو واٹ کا ٹرانسفارمر کام کر رہا ہے، تاہم مذکورہ ٹرانسفارمر میں اوورلوڈ ہونے کے باعث تکنیکی خرابی آجاتی ہے۔ جسے ٹھیک کروانے کے لئے مقامی لوگوں کو کئی دنوں تک انتظار کرنا پڑتا ہے، جبکہ پورا علاقہ کئی ہفتوں تک گھپ اندھیرے میں رہتا ہے.

لوگوں کی مشکلات کو دور کرنے کے لئے محکمہ بجلی نے چھے ماہ قبل علاقے میں ایک نیا ٹرانسفارمر لگایا تھا، اگرچہ مذکورہ ٹرانسفارمر علاقے کو بجلی واگزار کرنے کے لئے بلکل تیار ہے تاہم نامعلوم وجوہات کی بنا پر اسے شروع نہیں کیا گیا ہے۔

ای ٹی وی بھارت نے فون پر یہ معاملہ محکمہ پی ڈی ڈی کے پروجیکٹ منیجر جاوید احمد ٹاک کی نوٹس میں لایا میں لایا تو انہوں نے کہا کہ محکمے کی ٹی ٹی آئی سی ونگ سے ابھی تک کلیئرنس نہیں ملی ہے، جس کی وجہ سے مذکورہ ٹرانسفارمر سے لوگوں کو بجلی مہیا نہیں مل رہا ہے، ان کا کہنا ہے کہ جیسے ہی انہیں مذکورہ محکمہ کی ونگ سے کلیئرنس مل جائے گی تو وہ جلد ہی ٹرانسفارمر سے مقامی علاقے کو بجلی فراہم کی جائے گی، تاکہ لوگوں کی مشکلات کا ازالہ ممکن ہو سکے۔