Protest Against Illegal Mining پابندی کے باوجود اننت ناگ میں کان کنی جاری، مقامی مزدوروں کا احتجاج

جموں و کشمیر کے اننت ناگ کے شیر پورہ علاقے میں کان کنی کا کام کرنے والے متاثرین نے حکومت کے خلاف زبردست احتجاجی مظاہرہ کیا۔ مزدوروں کا کہنا ہے کہ اننت ناگ میں کان کنی پر پابندی کے باوجود ٹھیکدار کی من مانی جاری ہے۔

اننت ناگ:مرکز کے زیر انتظام یوٹی جموں و کشمیر کے اننت ناگ کے شیر پورہ علاقے میں کان کنی کا کام کرنے والے متاثرین نے حکومت کے خلاف زبردست احتجاجی مظاہرہ کیا۔ مزدوروں کا کہنا ہے کہ اننت ناگ میں کان کنی پر پابندی با وجود ٹھیکدار کی من مانی جاری ہے۔ مظاہرین کے مطابق علاقے میں کئی کانیں موجود ہیں جن میں حکام کی طرف سے کان کنی پر پہلے ہی پابندی عائد کی جا چکی ہے جس سے سینکڑوں افراد بے روز ہو گئے۔ وہیں پابندی کے باوجود محکمہ مائینگ نے ایک ٹھیکیدار کو کان کنی کی اجازت فراہم کر رکھی ہے جس کے خلاف مقامی مزدوروں نے محکمہ کے خلاف زبردست احتجاجی مظاہرہ اور نعرے بازی کی۔

ان کا کہنا ہے کہ اگر چہ اس کے خلاف کورٹ کی جانب سے ایک حکم نامہ بھی جاری کیا گیا ہے جس میں کان کنی کو روکنے کی ہدایت جاری کی گئی ہے۔ مگر اس کے باوجود مذکورہ کان میں کان کنی جاری ہے جس کے خلاف علاقے کے لوگوں نے حکام کے خلاف زبردست ناراضگی کا اظہار کیا۔ انہوں نے مزید کہا کہ اگر عدالت کے احکامات کو عمل میں نہیں لایا جائے گا تو احتجاج میں وسعت لائی جائی گی۔