گورنر کے مشیر بصیر احمد خان نے حلقہ انتخاب بجبہاڑہ کا دورہ کیا۔ اپنے دورے کے دوران بجبہاڑہ میں قائم گیسٹ ہاؤس میں کئی علاقوں کے لوگوں سے ملاقات کی۔ اُن کے ہمراہ ضلع اننت ناگ کے ترقیاتی کمشنر پیوش سنگھلا اور مختلف محکموں کے افسران موجود تھے۔
اس موقعہ پر لوگوں نے اپنے مشکلات گورنر کے مشیر بصیر خان کے سامنے رکھے۔ صلاح کار نے لوگوں کو یقین دلایا کہ ان کے مطالبات کو جلد عملی جامہ پہنایا جائے گا۔
اس دوران تجارتی انجمنوں کے ساتھ ساتھ مختلف محکموں سے آئے ہوئے وفود نے اپنے مسئلے مسائل مشیر کے سامنے رکھے، ایڈوائزر نے ملازمین کے وفود کو یقین دلایا کہ ان کے مطالبات ترجیحی بنیادوں پر حل کیے جائیں گے۔
یہ بھی پڑھیں: لاک ڈاؤن میں غریبوں کی مشکلات میں اضافہ
ایڈوائزر نے اس موقع پر کہا کہ کورونا وائرس کی اس مہماری میں گورنر انتظامیہ حالات پر نظر رکھے ہوئے ہیں، جبکہ لوگوں سے تلقین کی گئی ہے کہ ویکسنیشن کے عمل کی پاسداری کو یقینی بنانے کے لیے لوگ محکمہ صحت کی جانب رجوع کریں۔