جموں و کشمیر: عید میلاد النبیؐ کی اختتامی تقریبات

جموں و کشمیر کے دیگر اضلاع میں عید میلادالنبیؐ کی اختتامی تقاریب منعقد کی گئی۔ اس دوران لوگوں نے حضور اکرم ﷺ کے موئے مقدس اور عکس پایے کی زیارت کی۔

وادی کے مختلف مقامات کے ساتھ ساتھ آج میلادالنبیؐ کی اختتامی تقریب پر آج جنوبی کشمیر کے اننت ناگ کے سیر ہمدان میں نماز جمعہ کے بعد عکس پایے حضرت محمد ﷺ کی نشاندہی کی گئی۔ اس دوران لوگوں کی خاصی تعداد موجود رہی۔

اننت ناگ کے ہی بجبہاڑہ علاقے میں جمعہ کے پیش نظر جشن عید میلاد النبیﷺ نہایت عقیدت کے ساتھ منایا گیا۔ اس میں لوگوں کی اچھی خاصی تعداد نے شرکت کی۔ اس میں نہ صرف جنوبی کشمیر کے مختلف اضلاع سے بلکہ وادی کے اطراف و اکناف سے عقیدت مندوں نے یہاں حاضری دے کر حضور اکرم ﷺ کے موئے مقدس کی زیارت سے فیضیاب ہوئے۔

ضلع بارہمولہ کے سوپور کے خانقاہ معلی میں آج عید میلاد النبیؐ جوش و خروش کے ساتھ منایا گیا اور کافی لوگوں نے نماز جمعہ ادا کی۔ اس تقریب میں سوپور اور اس کے گرد نواح کے علاقوں سے عقیدت مندوں نے شرکت کی اور رات بھر شب خوانی کے ساتھ ساتھ درود خوانی کی مجالس بھی منعقد ہوئیں۔