کوکرناگ: سڑک حادثے میں بزرگ زخمی

جموں و کشمیر کے وائلو کوکرناگ میں موٹر سائیکل کی زد میں آنے سے ایک بزرگ شخص زخمی ہو گئے۔

تفصیلات کے مطابق وائلو کے رہنے والے 78 سالہ غلام احمد شیخ شام دیر گئے گوہن کے مقام پر سڑک کے کنارے سے جا رہے تھے جس دوران ایک تیز رفتار موٹر سائیکل نے ان کو ٹکر مار دی جس سے وہ شدید طور پر زخمی ہو گئے۔

زخمی شدہ بزرگ کو ضلع ہسپتال اننت ناگ منتقل کیا گیا جہاں ان کی حالت مستحکم بتائی جا رہی ہے۔

پولیس نے اس سلسلے میں کیس درج کر کے تحقیقات شروع کی ہے۔