عام انتخابات کے چوتھے مرحلے میں اننت ناگ پارلیمانی سیٹ کے لیے جنوبی کشمیر کے کولگام میں سکیورٹی کے سخت انتظامات کے درمیان پولنگ شروع ہوئی۔
کشمیری مہاجرین کے لیے، جموں کے ضلع ادھم پور اور دہلی میں پولنگ مراکز قائم کیےگئے ہیں جس میں 89 رائے دہندگان نے حق رائے دہی استعمال کیا۔
اپنا جمہوری حق استعمال کرنے کے بعد ایک ووٹر نے کہا کہ مجھے جمہوریت پر پورا بھروسہ ہے اور کشمیری مہاجرین کا مسئلہ بہت جلد حل کر لیا جائے گا۔
انہوں نے کہا کہ تقریباً 30 برسوں سے کشمیری پنڈت ریاست سے باہر زندگی گذارنے پر مجبور ہیں لیکن ہمیں امید ہے کہ بہت جلد ان پریشانیوں کا حل تلاش کر لیا جائے گا۔
اننت ناگ پارلیمانی حلقےمیں پی ڈی پی کی صدر محبوبہ مفتی،کانگریس کے ریاستی صدر غلام احمد میر اور نیشنل کانفرنس کے امیدوار ریٹائرڈ جسٹس حسنین مسعودی اور بی جے پی کے صوفی یوسف کے درمیان مقابلہ ہے۔
اننت ناگ سیٹ پر تین مراحل میں ووٹنگ ہو نی ہے۔
پہلے مرحلےمیں 23 اپریل کو پولنگ ہو ئی تھی، اس دوران صرف 13.63 فیصد ووٹ ڈالے گئے تھے۔