سنچائی کا پانی بہنے روڈ کی حالت خستہ

سڑک کی حالت گزشتہ کئی برسوں سے خستہ ہے تاہم کوئی پرسان حال نہیں۔ مقامی لوگوں نے اس معاملے کو متعلقہ محکمہ کی نوٹس میں بھی لایا لیکن محکمہ نے کوئی توجہ نہیں دی۔

جموں و کشمیر کے ضلع اننت ناگ میں واقع بجبہاڈہ میں سنچائی کا پانی برباد ہو رہا ہے اور کسانوں کو اپنی زمینوں کو سیراب کرنے میں دشواری ہو رہی ہے۔ سنچائی کا پانی سڑک پر بہنے کی وجہ سے مقامی لوگوں کو مشکلات درپیش ہے۔

بجبہاڈہ علاقے میں واقع سرہامہ علاقے کے لوگوں کا کہنا ہے کہ محکمہ آبپاشی سنچائی کے پانی پر اگر توجہ دے تو اس کا کسان اچھے سے استعمال کر سکتے ہیں۔

لوگوں کا کہنا ہے کہ 'ہم نے اس سے پہلے سڑک کو خود تعمیر کیا لیکن پانی بہنے کی وجہ سے سڑک پھر سے اکھڑ گئی۔ ہمیں ہمشہ اس بات کا خدشہ رہتا ہے کہ گاڑیوں کے ساتھ کوئی بھی حادثہ نہ ہو جائے۔ علاقے میں کثیر آبادی ہونے کی وجہ سے لوگوں کو آمد و رفت میں مشکلات کا سامنا رہتا ہے۔'

لوگوں کا کہنا ہے کہ 'سڑک کی حالت گزشتہ کئی برسوں سے خستہ ہے تاہم کوئی پرسان حال نہیں۔' مقامی لوگوں نے اس معاملے کو متعلقہ محکمہ کی نوٹس میں بھی لایا لیکن محکمہ نے کوئی توجہ نہیں دی۔

اس ضمن میں جب ای ٹی وی بھارت کے نمائندے نے ایگزیکٹیو انجنئیر غلام حسن گنائی سے بات کی تو اُنہوں نے دوسرے محکموں پر الزام عائد کرتے ہوئے کہا کہ 'یہ ہمارے حدِ اختیار میں نہیں ہے'۔

لوگوں کا مطالبہ ہے کہ سڑک کی تعمیر و تشدید کرنے سے پہلے محکمہ آبپاشی اس سنچائی کے پانی کو بہنے سے روکے تاکہ دوبارہ سڑک خستہ حالی کی شکار نہ ہو۔