اننت ناگ: گرینیڈ حملے میں سی آر پی ایف اہلکار زخمی

جنوبی ضلع اننت ناگ کے اچھہ بل علاقے میں مشتبہ عسکریت پسند نے سیکیورٹی فورسز کی ایک ناکہ پارٹی پر گرینیڈ داغا جس کے نتیجے میں ایک سی آر پی ایف اہلکار اور ایک عام شہری زخمی ہو گیا ہے۔

جموں وکشمیر کے ضلع اننت ناگ کے اچھہ بل علاقے میں آج شام سی آر پی ایف اور پولیس کی مشترکہ ناکہ پارٹی پر عسکریت پسندوں نے فائرنگ کردی اور گرنیڈ پھینکا جس سے سنٹرل ریزرو پولیس فورس (سی آر پی ایف)کے ایک جوان اور ایک عام شہری زخمی ہوگیا۔

زخمیوں کو فوری طور پر نزدیکی اسپتال منتقل کیا گیا ہے۔ تاہم ڈاکٹروں کے مطابق دونوں زخمیوں کی حالت مستحکم ہے ۔

مقامی لوگوں کے مطابق گولیاں چلنی کی آوازیں بھی سنی گئیں۔ واقع کے فوراً بعد سیکورٹی فورسز اور فوج کے اضافی دستے جاۓ واردات پر پہنچ گئے اور پورے علاقے کا محاصرہ کیا۔ سیکورٹی فورسز نے مفرور حملہ آوروں کی تلاش بڑے پیمانے پر شروع کر دی ہے۔