گورنر کے مشیر نے ضلع اننت ناگ کا دورہ کیا

ریاست جموں وکشمیر کے گورنر کے مشیر،کے وجے کمار نے جمعرات کے روز ضلع اننت ناگ کا دورہ کیا۔ دورے کے دوران انہوں نے قصبہ اننت ناگ کے شیر باغ علاقہ میں قائم (ایم سی سی ایچ )زچہ بچہ ہسپتال کے کام کاج کا جائزہ لیا۔

اس موقعے پر ان کے ہمراہ محکمہ صحت کی ڈائریکٹر ڈاکٹر کنزس ڈولما کے علاوہ ڈی آئی جی جنوبی کشمیر امت کمار و مختلف سرکاری محکموں کے افسران بھی موجود رہے۔

وجے کمار نے مذکورہ ہسپتال و ضلع انتظامیہ کے اعلی افسران کے ساتھ ایک میٹنگ کی۔ اس دوران ہسپتال انتظامیہ کے افسران نے ہسپتال میں درپیش مشکلات سے انہیں آگاہ کیا۔
انہوں نے ہسپتال انتظامیہ کے مطالبات کا ازالہ کرنے کی یقین دہانی بھی کرائی۔

اس موقعے پر ٹریڈرس و مینو فیکچرس ایسوسی ایشن اننت ناگ کے علاوہ کئی وفود نے ان سے ملاقات کی اور اپنے مسائل کو ان کے سامنے رکھے۔