Road Accident: ڈورو میں ٹپر اور کار میں ٹکر، 4 زخمی

اننت ناگ(Anantnag) میں ایک کار اور ٹپر کے درمیان ٹکر ہونے سے چار افراد زخمی ہوگئے، تمام زخمیوں کو اسپتال میں داخل کرایا گیا ہے۔

جنوبی کشمیر(South Kashmir) کے اننت ناگ ضلع(Anantnag) میں جمعرات کی شام ایک کار اور ٹپر کے درمیان ٹکر ہونے سے چار افراد زخمی ہو گئے، جن میں سے تین لوگوں کا تعلق بہار(Bihar) سے ہے۔

سرکاری ذرائع نے بتایا کہ شنکر پورہ ۔ ڈورو شاہ آباد(Dooru Shahabad) کے قریب ٹپر زیر نمبر (JK03E-7521) اور پرائیویٹ کار زیر نمبر (DL7CF-4775) میں ٹکر ہوا، جس میں چار افراد زخمی ہوگئے۔

زخمیوں کی شناخت بہار کے رہنے والے پرویز عالم ولد محمد عالم ، محمد ساجد ولد محمد عالم، محمد نوشاد ولد شمشیر احمد اور اننت ناگ کے رہائشی عامر رشید ولد عبدالرشید کے طور پر ہوئی ہے۔ تمام زخمیوں کو اسپتال میں داخل کرایا گیا ہے۔

ایک پولیس افسر نے ای ٹی وی بھارت کو بتایا کہ پولیس تھانہ ڈورو میں اس سلسلہ میں مقدمہ درج کر کے تفتیش شروع کر دی گئی ہے۔