لاکھوں روپئے کی غیر قانونی جڑی بوٹی ضبط، ایک شخص گرفتار

جموں و کشمیر کے ضلع اننت ناگ میں محکمہ جنگلات کی جانب سے لاکھوں روپیے کی غیر قانونی جڑی بوٹی کو ضبط کر کے ایک شخص کو گرفتار کر لیا گیا ہے۔

اطلاعات کے مطابق مصدقہ اطلاع موصول ہونے کے بعد ڈویژنل فارسٹ افسر فیروز احمد کی قیادت میں ایک ٹیم نے ضلع اننت ناگ کے تھجی وارہ اچھہ بل کے مقام پر ایک ناکہ لگایا، جس دوران ایک کار سے11کلوگرام غیر قانونی جنگلی جڑی بوٹی ضبط کی گئی، جس کی قیمت بازار میں تقریباً 180000 بتائی جا رہی ہے۔ اس سلسلہ میں ایک شخص کو گرفتار کر لیا گیا ہے۔

گرفتار شدہ شخص کی شناخت نثار احمد ٹھوکر کے بطور ہوئی ہے۔ محکمہ جنگلات نے مذکورہ شخص کی گاڑی بھی ضبط کی ہے۔

پولیس نے اس سلسلہ میں ایک معاملہ کیا ہے اور مزید تفتیش شروع کی ہے۔