اننت ناگ کے اچھو وائلو میں لکڑیاں ضبط

جموں و کشمیر کے اچھو وائلو میں جنگل سمگلروں کے خلاف محکمہ جنگلات متحرک ہوگیا ہے۔ محکمہ کے ملازمین نے کارروائی کرتے ہوئے غیر قانوی طور پر کاٹی گئی لاکھوں روپیے کی لکڑیاں ضبط کی ہیں۔

تفصیلات کے مطابق کوکرناگ کے اچھو وائلو علاقے میں محکمہ جنگلات کی ایک ٹیم نے جنگلوں سے غیر قانونی طور کاٹی گئی عمارتی لکڑیوں کو ضبط کیا۔

ذرائع نے بتایا کہ مصدقہ اطلاع ملنے پر محکمہ جنگلات کی ایک ٹیم نے کوکرناگ کے اچھو وائلو میں ایک گھر کے اندر تقریباً چالیس فٹ لکڑیاں ضبط کی ہیں۔

اس ضمن میں مذکورہ محکمہ نے ایک ایف آئی آر درج کر کے معاملے کی تحقیقات شروع کی۔ تاہم ابھی تک کسی کی گرفتاری عمل میں نہیں لائی گئی۔