فوڈ سیفٹی محکمہ کی جانب سے بیداری کیمپ ضلع اننت ناگ کے برنگ کوکرناگ علاقہ میں ایک بیداری کیمپ کا انعقاد کیا گیا۔
ٹاون ہال میں منعقدہ اس کیمپ کے دوران مقامی دکانداروں اور تاجران کو آن لائن لائسنز اجرا کے بارے میں جانکاری فراہم کی گئی۔
اس موقع پر تقریباً 70 افراد کو موقع پر ہی لائسنز جاری کیا گیا جو اشیائے خوردنی کے کاروبار سے منسلک ہیں۔
میڈیا سے بات کرتے ہوئے محکمہ فوڈ سیفٹی کے افسر ضمیر احمد نے کہا کہ جو بھی لوگ اشیائے خوردنی کے کاروبار سے وابستہ ہیں ان کے لیے لائسنز کا ہونا اب لازمی قرار دیا گیا ہے۔
کیمپ کا مقصد مقامی چھوٹے بڑے کاروباریوں کو اس سلسلہ میں بیدار کرنا اور آن لائن رجسٹریشن کے بارے میں جانکاری فراہم کرنا تھا، تاکہ وہ بہ آسانی لائسنز حاصل کر سکیں۔ انہوں نے کہا کہ بغیر لائسنسز پائے جانے والے افراد کے خلاف قانونی کارروائی ہوگی۔