بجبہاڑہ میں آتشزدگی

ضلع اننت ناگ کے بجبہاڑہ علاقے میں آتشزدگی کے واقعے میں دو رہائشی مکانوں کو شدید نقصان پہنچنے کی اطلاع ہے۔

تفصیلات کے مطابق پیر کی رات تقریباً ساڑھے دس بجے فاروق احمد بودا اور عبدالرشید شاہ کے مکان میں اچانک آگ لگ گئی جس نے آنا فانا میں دو مکانوں کو اپنی زد میں لے لیا۔

فائر سروس کے عملے نے مقامی لوگوں کی مدد سے آگ پر قابو پا لیا ہے تا ہم آتشزدگی کی اصل وجوہات کا ابھی تک پتہ نہیں چلا سکا ہے۔ خدشہ ظاہر کیا جا رہا ہے کہ آگ شارٹ سرکٹ کی وجہ سے لگی ہے۔

اس ضمن میں پولیس نے معاملہ درج کر لیا ہے اور تفتیش جاری ہے۔