شبانہ آتشزدگی میں دو ہوٹلوں کو جزوی نقصان

واقع کے فوراً بعد فائر سروس عملہ موقع پرپہنچ گیا اور کافی کوششوں کے بعد آگ کو بجھانے میں کامیاب ہوگیا۔

جنوبی کشمیر کے ضلع اننت ناگ کے مشہور سیاحتی مقام پہلگام میں پیر اور منگل کی درمیانی شب آتشزدگی کے ایک واقع میں دو ہوٹلوں کو جزوی نقصان پہنچا۔

ایک پولیس عہدیدار نے بتایا کہ فاروق احمد ملک (ہوٹل کراؤن ویو) اور طارق احمد تنگھا (ہوٹل ریٹریٹ اینڈ ریسٹورنٹ) کو جزوی نقصان پہنچا ہے۔

انہوں نے بتایا کہ ایک ہوٹل میں اچانک آگ نمودار ہوئی اور بعد میں یہ دوسرے ہوٹل میں پھیل گئی جس سے وہاں کیمپ لگانے والے مقامی افراد میں خوف و ہراس پھیل گیا۔انہوں نے بتایا کہ واقع کے فوراً بعد فائر سروس عملہ موقع پرپہنچ گیا اور کافی کوششوں کے بعد آگ کو بجھانے میں کامیاب ہوگیا۔عہدیدار نے بتایا کہ تاہم ابھی تک کسی جانی نقصان یا زخمی ہونے کی اطلاع نہیں ہے۔