پانپور: سنٹرل کوآپریٹیو بینک برانچ میں ہولناک آتشزدگی

سنٹرل کوآپریٹیو بینک برانچ پانپور میں آتشزدگی کے ہولناک واقعہ کی وجہ سے لاکھوں روپے کی مالیت کا سامان راکھ کی ڈھیر میں تبدیل ہو گیا ہے۔

سنٹرل کوآپریٹیو بینک شاخ پانپور میں دورانِ شب اچانک آگ لگ گئی۔ دیکھتے ہی دیکھتے اس آگ نے بینک کی پوری عمارت کو اپنی زد میں لے لیا اور بینک میں موجود سازوسامان کو راکھ کے ڈھیر میں تبدیل کر دیا۔

بینک کی عمارت میں آگ لگنے کے فوراً بعد اگرچہ مقامی لوگوں اور فاٸر ایمرجنسی محکمہ کے جوانوں نے آگ کو مزید پھیلنے سے روک لیا، تاہم تب تک بینک میں موجود ساز و سامان راکھ کے ڈھیر میں تبدیل ہو چکا تھا۔

آتشزدگی کے اس ہولناک واقعہ میں بینک کی شاخ میں موجود فرنیچر اور کیمپوٹر سسٹمس کے علاوہ دیگر کئی ساری مشینوں کو بھی نقصان پہنچا ہے۔ بینک منیجر نے کہا کہ گراہکوں کو فکر کرنے کی کوٸی ضرورت نہیں ہے، کیونکہ ان کے پاس گراہکوں کا سارا رکارڈ محفوظ ہے۔

پانپور پولیس نے اس سلسلے میں ایف آٸی آر درج کر کے تحقیقات شروع کر دی ہے۔