کوکرناگ میں آتشزدگی، رہائشی مکان خاکستر

آتشزدگی کے سبب مکان میں موجود لاکھوں روپے مالیت کی املاک خاکستر ہو گئیں، تاہم اس سانحے میں کسی جانی نقصان کی کوئی اطلاع نہیں ہے۔

جنوبی کشمیر کے ضلع اننت ناگ کے کوکرناگ علاقے میں آتشزدگی کی وجہ سے رہائشی مکان کو نقصان پہنچا ہے۔

نمائندے کے مطابق کوکرناگ کے تکیہ، ماگام علاقے کے رہائشی بلال احمد نجار ولد غلام محمد نجار کے رہائشی مکان سے اچانک آگ کے شعلے بلند ہوئے اور دیکھتے ہی دیکھتے آگ کے شعلوں نے مکان کی اوپری منزل کو اپنی زد میں لے لیا۔

محکمہ فائر اینڈ ایمرجنسی سمیت مقامی رضاکاروں نے آگ کو مزید پھیلنے سے روک دیا تاہم آتشزدگی کے سبب رہائشی مکان کی چھت کو شدید نقصان پہنچا۔

مقامی باشندوں کے مطابق مکان میں موجود لاکھوں روپے مالیت کی املاک خاکستر ہو گئیں۔ تاہم اس سانحے میں کسی جانی نقصان کی کوئی اطلاع نہیں ہے۔

مقامی لوگوں نے انتظامیہ سے متاثرہ اہلخانہ کی امداد کی اپیل کی ہے۔