بجبہاڑہ میں موٹر سائیکل سوار سے پچاس گولیاں برآمد
اطلاعات کے مطابق عادل فیاض نامی نوجوان کا تعلق حلقۂ انتخاب بجبہاڑہ کے کھرم سرگفوارہ سے بتایا جا رہا ہے۔
fifty bullets recovered from a biker in bijbehara
جموں و کشمیر کے جنوبی ضلع اننت ناگ کے بجبہاڑہ میں پولیس اور 3 آر آر نے آج ایک ناکے کے دوران کری کدل کے مقام پر ایک موٹر سائیکل کو ضبط کر کے اس پر سوار عادل فیاض بھٹ نامی لڑکے کو گرفتار کیا۔
تفصیلات کے مطابق عادل فیاض نامی نوجوان کا تعلق حلقۂ انتخاب بجبہاڑہ کے کھرم سرگفوارہ سے بتایا جا رہا ہے۔
پولیس نے دعویٰ کیا ہے کہ اُنہوں نے مذکورہ موٹر سائیکل سوار کے قبضے سے اے کے 47 بندوق کی پچاس گولیاں ضبط کی ہیں۔
اس سلسلے میں بجبہاڑہ پولیس نے ایک مقدمہ درج کر کے تحقیقات شروع کر دی ہے۔