پہلگام میں انہدامی کاروائی، 12 کنال سرکاری اراضی کو قبضہ سے چھڑایا گیا

پہلگام میں انہدامی مہم کے دوران کم از کم 12 کنال سرکاری اراضی تجاوزات سے حاصل کی گئی ۔ تجاوزات کاروں نے سرکاری زمین پر غیر قانونی طور پر دیواریں تعمیر کی تھیں ۔

جموں کشمیر کے پہلگام کے علاقہ میں ناجائز تجاوزات کے خلاف تحصیلدار کی نگرانی میں محکمہ ریونیو اور پی ڈی اے کی ایک ٹیم نے تجاوزات کرنے والے ہوٹلوں سے تقریبا 12 کنال سرکاری اراضی کو قبضہ سے چھڑا لیا۔ ڈپٹی کمشنر اننت ناگ کی ہدایت پرماوورہ پہلگام کے علاقے میں انہدامی مہم شروع کی گئی ۔

اس مہم میں ایس ایچ او پہلگام کے ساتھ تحصیلدار سلر شکیل احمد اور پی ڈی اے ملازمین بھی موجود تھے۔

ذرائع نے بتایا کہ موورا پہلگام میں انہدامی مہم کے دوران کم از کم 12 کنال ریاستی اراضی تجاوزات سے حاصل کی گئی ۔ انہوں نے مزید کہا کہ تجاوزات کاروں نے سرکاری زمین پر غیر قانونی طور پر دیواریں تعمیر کی تھیں ۔
خاص طور پر ماوورا پہلگام پر حال ہی میں اطلاعات ملی تھی کہ "مقامی ہوٹل والوں کے ذریعہ غیر قانونی طور پر سرکاری اراضی پر قبضہ کیا گیا تھا ۔

تحصیلدارسلر نے کہا کہ انتظامیہ نے اپنے دائرہ اختیار میں ہوٹلوں کو خبردار کیا ہے کہ وہ علاقے میں کسی بھی طرح کی غیر قانونی تجاوزات میں ملوث نہ ہوں۔

مزید کہا کہ انہدامی مہم آئندہ بھی جاری رہے گی اور ناجائز تجاوزات کرنے والوں سے کہا گیا ہے کہ وہ ناجائز تجاوزات کو رضاکارانہ طور پر چھوڑ دیں۔