Drug Peddler Arrested اننت ناگ میں ڈرگ مافیا کے خلاف بڑے پیمانے پر کریک ڈاؤن جاری

بجبہاڑہ پولیس نے ایک ایک ناکے چیکنگ کے دوران ایک منشیات فروش کو گرفتار کیا ہے۔ منشیات فروش کے قبضے سے 5 کلو گرام چرس جیسا مواد برآمد کیا گیا ہے۔

اننت ناگ:سماج سے منشیات کی لعنت کو ختم کرنے کے لیے اپنی کوششوں کو جاری رکھتے ہوئے، اننت ناگ پولیس نے بجبہاڑہ میں ایک منشیات فروش کو گرفتار کیا۔گرفتار منشیات فروش کے قبضے سے ممنوعہ آشیاء برآمد کیا گیا۔

تفصیلات کے مطابق بجبہاڑہ پولیس تھانہ سے وابستہ پولیس پارٹی نے اورنہال فروٹ منڈی کے قریب ایک ناکا لگایا۔ناکے چیکنگ کے دوران پولیس نے ایک مشتبہ شخص نے پولیس کو دیکھ کر فرار ہونے کی کوشش کی، تاہم پولیس نے اسے در دبوچ لیا۔ دوران تلاشی پولیس پارٹی نے اس کے قبضے سے تقریباً 5 کلو چرس پاؤڈر برآمد کیا گیا۔گرفتار شدہ شخص کی شناخت ضلع اننت ناگ کے بٹنگو علاقہ سے تعلق رکھنے والے محمد شفیع وانی ولد گل محمد وانی کے طور پر ہوئی ہے ۔ گرفتاری کے بعد مذکورہ شخص کو تھانے منتقل کر دیا گیا ہے، جہاں وہ فی الحال زیر حراست ہے۔

پولیس نے قانون کی متعلقہ دفعات کے تحت پولس اسٹیشن بجبہاڑہ میں مذکوہ شخص کے خلاف ایک مقدمہ درج کیا اور اس حوالے سے مزید تحقیقات شروع کردی گئی ہے۔