اننت ناگ میں منشیات فروش گرفتار

معاشرے سے منشیات کی لت کے خاتمے کے لئے اپنی کوششوں کو جاری رکھتے ہوئے اننت ناگ پولیس کی جانب سے کے پی روڈ پوسٹ آفس کے قریب ایک ناکہ قائم کیا گیا۔ جو مستعدی سے اپنی ڈیوٹی انجام دے رہا ہے۔

پولیس نے اس دوران ایک شخص سے 5 غیر قانونی شراب کی بوتلیں برآمد کی اور اس کے بعد اس شخص کو گرفتار کرلیا گیا۔ تفتیش کے دوران مذکورہ شخص کے کرائے کے مکان پر چھاپہ مارا گیا۔ جہاں سے مزید 40 شراب کی بوتلیں مجسٹریٹ کی موجودگی میں برآمد کی گئیں۔

ملزم کی شناخت لوکہ بون لارکی پورہ اننت ناگ کے باشندے مختار احمد شاہ ولد غلام قادر شاہ کے طور پر ہوئی ہے۔ اس سلسلے میں متعلقہ دفعات کے تحت ایف آئی آر زیر نمبر 90/2021 کو اننت ناگ تھانہ میں درج کیا گیا ہے اور مزید تفتیش شروع کردی گئی ہے۔

عوامی حلقوں کی جانب سے پولیس کے اس اقدام کی سراہنا کی جارہی ہے۔ پولیس کا کہنا ہے کہ وہ اپنے معاشرے کو منشیات کی لعنت سے پاک رکھنے کے لئے کوشاں ہیں۔ انہوں نے عوام سے اپیل کرتے ہوئے کہا کہ وہ سماج سے اس بدعت کو جڑ سے ختم کرنے کے لئے پولیس کو اپنا بھرپور تعاون فراہم کریں۔