Medical Shops Sealed in Anantnag: اننت ناگ میں 9 کیمسٹ دکانیں سربمہر

ڈرگس کنٹرول ڈیپارٹمنٹ، اننت ناگ کی جانب سے مارکیٹ چیکنگ کے دوران 9کیمسٹ کی دکانوں کو سربمہر کیا گیا۔

اننت ناگ:ضلع ترقیاتی کمشنر اننت ناگ، ڈاکٹر بشارت قیوم، کی ہدایت پر ڈرگس کنٹرول ڈیپارٹمنٹ، اننت ناگ کی جانب سے شیڈول ایچ، ایچ ون، اور ایکسH، H1 اور Xادویات کی ریگولیشن، سی سی ٹی وی کی تنصیب اور کمپیوٹرائزڈ بلنگ سسٹم کو اپنانے کے حوالے سے ایک وسیع مہم شروع کی گئی۔ خصوصی مہم کے دوران ڈرگس کنٹرول افسران نے ضلع اننت ناگ میں جنگلات منڈی، ہرناگ، بٹنگو، شیرباغ کھنہ بل، نئی بستی، کے پی روڈ، قصبہ کوکرناگ و دیگر کئی علاقوں میں ادویات فروش دکانوں کا معائنہ کیا۔ Drug Control Unit Anantnag Market Checking

معائنہ کے دروان ٹیم نے ضلع میں 50 سے زائد انسپکشن کیے۔ معائنہ کے دوران خلاف ورزی کرنے والی 9 میڈیکل سیلز اسٹیبلشمنٹ پر ادویات کی خرید و فروخت پر پابندی عائد کردی گئی، اور 4 کو لائسنس کے شرائط کی مختلف خلاف ورزیوں اور سی سی ٹی وی کی تنصیب سے متعلق ہدایات پر عمل نہ کرنے پر وجہ بتاؤ (شوکاز) نوٹس جاری کی گئی۔ Drug Control Unit Anantnag Seals 9 Medical Shops

مہم کے دوران ادویات فروشوں کو شیڈول H، H1 اور X ادویات کی خریداری، اس کی تقسیم، فروخت، ڈسپنسنگ اور اسٹوریج کے دوران اپنائے جانے والے طریقہ کار کے بارے میں آگاہ کیا گیا۔ اسٹیک ہولڈرز کو شیڈول X ادویات پر مشتمل نسخوں کی دوبارہ فائلنگ اور سافٹ ویئر کی تنصیب کے بارے میں بھی آگاہی دی گئی۔ وہیں مذکورہ دوائیوں کی ماہانہ خریداری اور فروخت کے گوشوارے سے متعلقہ محکمہ کے ای میل آئی ڈی کے ذریعے جمع کرانے کی بھی ہدایت دی گئی۔ 9 Medical Shops Sealed in Anatnag

ضلع ترقیاتی کمشنر اننت ناگ نے تمام اسٹیک ہولڈرز پر زور دیا ہے کہ وہ اصولوں پر سختی سے عمل کریں اور واضح پیغام دیا ہے کہ ضلع انتظامیہ کی جانب سے منشیات کے خلاف اٹھائے جانے والے اقدام پر کوئی سمجھوتہ نہیں ہوگا۔ انہوں نے تمام اسٹیک ہولڈرز کو مشورہ دیا کہ وہ ضلع کو نشے سے پاک بنانے کے لیے مل کر کام کریں۔