ضلع ہسپتال اننت ناگ کو اگرچہ میڈیکل اننت ناگ کے ساتھ منسلک کرکے جدید ٹیکنالوجی سے لیس کیا گیا، تاہم ہسپتال انتظامیہ کی جانب سے ہسپتال کے صحن کو پارکنگ احاطہ میں تبدیل کیا گیا ہے۔ جہاں ہسپتال انتظامیہ کی جانب سے روزانہ سینکڑوں گاڑیوں کو ٹوکن پر پارک کیا جا رہا ہے۔
ضلع ہسپتال کا صحن پارکنگ احاطہ میں تبدیل، مریض و تیمار دار پریشان تیمارداروں کا کہنا ہے کہ ہسپتال کو میڈیکل کالج سے منسلک کرنے پر وہ حکومت کے شکر گزار ہیں، تاہم اس کے احاطہ کو پارکنگ کے استعمال میں لانے پر وہ ہسپتال انتظامیہ سے نالاں ہیں۔ انہوں نے کہا کہ پارکنگ کی وجہ سے نہ صرف تیمارداروں بلکہ ایمرجنسی کے دوران ایمبولینس کو چلنے پھرنے میں کافی دقت ہو رہی ہے۔
ادھر جی ایم سی کے پرنسپل ڈاکٹر شوکت جیلانی نے ای ٹی وی بھارت کے نمائندے سے فون پر بات کرتے ہوئے کہا کہ انہوں نے گاڑیوں کی پارکنگ کا مسئلہ ضلع ترقیاتی کمشنر اننت ناگ کی نوٹس میں لایا ہے۔ انہوں نے یقین دہانی کرائی کہ پارکنگ کو جلد ہی ہسپتال سے باہر دوسری جگہ منتقل کیا جائے گا۔
