اننت ناگ: ڈی سی نے 60 آکسیجن سلینڈرز سی ایم او کو سونپے

جموں و کشمیر کے ضلع اننت ناگ میں میڈیکل آکسیجن کی فراہمی کو فروغ دینے کے قدم کے طور پر ضلع ترقیاتی کمشنر(District commissioner) ڈاکٹر پیوش سنگلا نے ڈی سی دفتر اننت ناگ میں 60 میڈیکل آکسیجن سلینڈرز کو چیف میڈیکل افسر (سی ایم او) کے حوالے کیا۔

ان آکسیجن سلینڈرز کی فراہمی سے ٹراما ہسپتال بجبہاڑہ اور ضلع کے دیگر صحت مراکز میں آکسیجن کی سہولیات میں مزید اضافہ ہوگا۔

واضح رہے کہ آکسیجن سلینڈرز کو نیشنل ہائی وے اور انفراسٹرکچر ڈیولپمنٹ کارپوریشن لمیٹیڈ (این ایچ آئی ڈی سی ایل) نے فلاحی اقدام کے طور پر عطیہ کیا ہے۔

اس موقع پر ایس پی ہیڈ کوارٹر نکھل بورکر، اے سی آر سید یاسر، ڈپٹی سی ایم او ڈاکٹر ایم وائی زاگو اور دیگر افسران موجود تھے۔