ڈائریکٹر کالجز نے گورنمنٹ ڈگری کالج بجبہاڑہ کا دورہ کیا

ڈائریکٹر کالجز ڈاکٹر یاسمین آشائی نے آج گورنمنٹ ڈگری کالج بجبہاڑہ کی تعمیر و ترقی کے حوالے سے جائزہ لیا۔

ڈائریکٹر کالجز ڈاکٹر یاسمین آشائی نے آج گورنمنٹ ڈگری کالج بجبہاڑہ کا دورہ کیا۔ دورے کے دوران انہوں نے براوزنگ لیب، ملٹی پرپز سپورٹس ہال، کالج میں شائعہ کیا گیا نیوز لیٹر اور مختلف کھیل سرگرمیوں کا بھی افتتاح کیا۔ اس موقع پر ڈائریکٹر کے ہمراہ کالج کی پرنسپل نگہت فاتمہ، زونل ایجوکیشن آفیسر بجبہاڈہ موجود رہے۔

اس دوران کالج میں زیر تعلیم طلبہ نے مختلف کلچرل پروگرام پیش کئے گئے جس میں بچوں نے بھی بڑھ چڑھ کر حصہ لیا۔

اس موقع پر ڈائریکٹر یاسمین آشیائی کو پاور پوئنٹ کے ذریعہ کالج میں جاری سرگرمیوں کے بارے میں جانکاری دی، جبکہ اس موقع پر کالج کو مزید فروغ دینے کے حوالے سے کالج کی پرنسپل نگہت فاتمہ نے بتایا کہ انہوں نے کالج کے لئے مزید 5 کنال آرازی مختص رکھے جانے کی بات کی۔

ای ٹی وی بھارت سے بات کرتے ہوئے یاسمین اشائی نے کہا کہ آج انہوں نے کالج کی تعمیر و ترقی کا جائزہ لیا۔

انہوں نے بتایا کہ کالج میں چنار ٹورنامنٹ کے تحت بیڈ منٹن اور والی بال کے میچز کھیلے جا رہے ہیں، جس میں وادی کشمیر سے تعلق رکھنے والے مختلف کالجز سے آئی ہوئی اٹھارہ ٹیمیں شرکت کریں گی۔

انہوں نے کہا کہ ''ہم چاہتے ہے کہ بچے سپورٹس ایکٹوٹی کی طرف راغب ہوں تاکہ وہ جسمانی اور دماغی طور پر تندرست رہیں۔ انہوں نے کہا جس طرح سے پرویز رسول نے کھیل کی میدان میں بہترین کارکردگی کا مظاہرہ کیا، اسی طرح سے کالج کے طلبہ بھی آگے بڑھیں چونکہ پرویز رسول بھی قصبہ بجبہاڑہ سے ہی تعلق رکھتے ہیں۔''