اننت ناگ: میڈیکل آفیسر کے خلاف کارروائی

ضلع ترقیاتی کمشنر نے کھرم میں پی ایچ سی اسپتال کا دورہ کیا جس دوران اسپتال کے میڈیکل آفیسر غیر حاضر تھے۔

ضلع ترقیاتی کمشنر اننت ناگ کلدیپ کرشن سدھا نے آج حلقۂ انتخاب بجبہاڑہ کے کھرم میں واقع پی ایچ سی اسپتال کا دورہ کیا۔

دورے کے دوران اُنہوں نے اسپتال میں میڈیکل آفیسر ڈاکٹر فہیم شاہ کو ڈیوٹی سے غیر حاضر پایا جس کے بعد ڈپٹی کمشنر نے ان کے خلاف کارروائی کرتے ہوئے ڈیوٹی سے معطل کر دیا اور انہیں بلاک میڈیکل آفسر بجبہاڑہ کے ساتھ منسلک کیا گیا۔

اس سلسلے میں اگرچہ مزید تحقیقات کے لئے ایڈیشنل ڈپٹی کمشنر اننت ناگ کو ہدایت دی گئی ہے کہ وہ اب اس معاملے میں مزید انکوائری کریں اور 5 دن کے اندر ایک تفصیلی رپورٹ پیش کریں۔