اننت ناگ:وادی کشمیر میں گزشتہ کئی روز سے شدید گرمی نے لوگوں کو بے حال کر دیا ہے۔ ایک جانب جہاں وادی میں شبانہ درجہ حرارت مسلسل معمول سے زیادہ درج ہو رہا ہے، وہیں دن کے دوران بھی درجہ حرارت میں کوئی خاص کمی واقع نہیں ہو رہی ہے۔ جبکہ رواں برس درجہ حرارت میں ریکارڈ توڑ اضافہ سے وادی کشمیر کے لوگوں کو سخت مشکلات کا سامنا ہے۔ وادی میں درجہ حرارت کے بڑھ جانے سے ٹھنڈے مشروبات کی مانگ میں زبردست اضافہ دیکھنے کو مل رہا ہے، شہر و دیہات میں آئس کریم دکانوں میں لوگوں کا کافی رش ہے۔ جس سے آئس کریم کے کاروباری کافی خوش دکھائی دے رہے ہیں۔ Ice-creams and soft drinks in Kashmir
آئس کریم کی تجارت سے وابستہ مالکان کے مطابق گزشتہ سال کے مقابلے میں رواں سال گرمی بڑھ جانے سے کولڈ ڈرنکس اور آئس کریم کی مانگ میں زبردست اضافہ ہو رہا ہے، انہوں نے کہا کہ گزشتہ کئی دنوں سے درجہ حرارت میں اضافہ ہونے سے وادی کے لوگوں کو سخت مشکلات کا سامنا ہے۔ beat the heat دوکاندار کے مطابق تپتی دھوپ نے لوگوں کو بے حال کر دیا ہے، وہیں دوسری جانب لوگ اپنی پیاس بجھانے کے لئے آئس کریم اور کولڈ ڈرنکس کا استعمال کر رہے ہیں۔ heat intensifies in Kashmir Valley