اپنی پارٹی اننت ناگ کے صدر عبدالرحیم نے بتایا کہ مرکزی حکومت کے سامنے جموں و کشمیر کے سیاسی رہنماؤں کی کوئی اہمیت نہیں ہے۔ انہوں نے ای ٹی وی بھارت سے خصوصی بات کرتے ہوئے کہا کہ اگر جموں و کشمیر میں انتخابات کرائے جائیں گے تو اپنی پارٹی ان میں ضرور حصہ لے گی۔
جموں و کشمیر میں انتخابات کے بعد حدبندی کرنے کا مطالبہ
جموں کشمیر کے ضلع اننت ناگ میں اپنی پارٹی کے ضلع صدر عبدالرحیم نے کہاکہ سب سے پہلے جموں کشمیر کو ریاست کا درجہ بحال کیا جانا چاہئے اور بعد میں انتخابات کرائے جائیں۔ انہوں نے کہا کہ انتخابات کے بعد حدبندی کی جاسکتی ہے۔
مرکزی سرکار کی ضد کے سامنے یہاں کی نہیں چلتی :عبدل رحیم راتھر
انہوں نے دیگر سیاسی پارٹیوں پر تنقید کرتے ہوئے کہا کہ ’ہم فرقہ پرست طاقتوں کےلیے راہ ہموار کرنے کے حق میں نہیں ہہیں‘۔ انہوں نے مذہبی بنیادوں پر لوگوں میں تفرقہ ڈالنے والوں پر بھی کڑی تنقید کی۔ انہوں نے کہا کہ اپنی پارٹی انتخابات میں حصہ لے گی۔
مزید پڑھیں:
جموں و کشمیر: الطاف بخاری کا کپواڑا دورہ
عبدالرحیم نے مرکزی حکومت سے شفاف طریقہ سے حدبندی کرنے کا مطالبہ کیا۔