Rains In Kashmir مسلسل بارش سے اننت ناگ کے کئی مقامات پر پانی جمع، لوگوں کو مشکلات کا سامنا

مسلسل بارشوں سے اننت ناگ کے کے ایم ڈی پُرانے بس اڈے سے نئے بس اڈے تک سڑک پر گھڑے بن گئے ہیں وہیں ڈرینیج نظام نہ ہونے سے اڈے میں سیلابی صورتحال پیدا ہو گئی ہے۔ ضلع کے بیشتر مقامات خاص کر نشیبی علاقوں میں گلی کوچوں  اور سڑکوں پر پانی جمع ہونے سے لوگوں کو پریشانی ہو رہی ہے۔

اننت ناگ:وادی میں مسلسل کئی روز سے بارشوں کا سلسلہ جاری ہے، جس کی وجہ سے نہ صرف معمول کے درجہ حرارت میں کمی ہوئی ہے، بلکہ ندی نالوں دریاؤں میں پانی کی سطح میں اضافہ ہوا ہے۔وہیں لگاتار بارشوں کے بعد ضلع اننت ناگ کے کئی مقامات پر پانی جمع ہونے سے لوگوں کو عبور و مرور میں مشکلات کا سامنا کرنا پڑ رہا ہے۔
قصبہ اننت ناگ کے بیشتر مقامات پر ڈرینج نظام ناکارہ ہو گیا ہے، معمولی بارشیں ہوتے ہی سڑکیں گلی کوچے زیر آب آجاتی ہیں جس کے سبب نہ صرف ٹریفک کو چلنے پھرنے میں دشواریاں ہوتی ہیں بلکہ راہگیروں کو بھی عبور و مرور میں مشکلات کا سامنا کرنا پڑتا ہے۔
کے ایم ڈی پرانے بس اڈہ سے نئے بس اڈے تک سڑک پر گھڑے بن گئے ہیں وہیں ڈرینیج نظام نہ ہونے سے اڈے میں سیلابی صورتحال پیدا ہو گئی ہے۔ قومی شاہراہ پر خاص کر بٹنگو اور پازال پورہ کے مقامات پر پانی جمع ہونے سے ٹریفک کو چلنے میں دشواری ہوتی ہے۔ وہیں ضلع کے بیشتر مقامات خاص کر نشیبی علاقوں میں گلی کوچوں اور سڑکوں پر پانی جمع ہونے سے لوگوں کو پریشانی ہو رہی ہے۔

لوگوں نے انتظامیہ سے مطالبہ کیا کہ ڈی واٹرنگ پمپس کو فعال بنایا جائے، تاکہ پانی کی نکاسی کو یقینی بنایا جا سکے اور قومی شاہراہ کے ان مقامات کی مرمت کی جائے جہاں بارش کا پانی جمع ہو جاتا ہے۔