اننت ناگ میں لاش برآمد

ریاست جموں و کشمیر کے جنوبی ضلع اننت ناگ میں پنزگام، کوکرناگ علاقے میں خون سے لت پت ایک شخص کی لاش دیکھنے کے بعد مقامی لوگوں نے پولیس کو اطلاع دی۔

پولیس نے لاش کو اپنی تحویل میں لیکر قانونی لوازمات کے بعد لواحقین کے سپرد کر دیا۔

ہلاک شخص کی شناخت نظام الدین خان کے طور پر ہوئی ہے۔

لواحقین کے مطابق نظام الدین خان گزشتہ شب سے لاپتہ تھا۔

عینی شاہدین کے مطابق خون سے لت پت لاش اور زخموں کے نشان سے قتل کا شبہہ ہوتا ہے۔

جبکہ اس ضمن میں اننت ناگ پولیس نے معاملہ درج کرکے مزید تحقیقات شروع کر دی ہے۔